ಇಕ್ಬಾಲ್ ಸಯೀದಿ ಇವರಿಗೆ ಮಥಾಯಸ್ ಕುಟುಂಬ ಕವಿತಾ ಪುರಸ್ಕಾರ

ಕವಿತಾ ಟ್ರಸ್ಟ್ ಇವರು ನೀಡುವ 2014 ವರುಷದ ’ಮಥಾಯಸ ಕುಟುಂಬ ಕವಿತಾ ಪುರಸ್ಕಾರ’ ಭಟ್ಕಳಿನ ಕೊಂಕಣಿ ಕವಿ ಇಕ್ಬಾಲ್ ಸಯೀದಿ ಇವರಿಗೆ ಲಭಿಸಿದೆ. ದುಬಾಯಿಯ ಮೆರಿಟ್ ಫ್ರೈಟ್ ಸಿಸ್ಟಮ್ಸ್ ಇದರ ಮ್ಯಾನೇಜಿಂಗ್ ಡೈರೆಕ್ಟರ್ ಜೋಸೆಫ್ ಮಥಾಯಸ್ ಇವರು ತಮ್ಮ ಕುಟುಂಬದ ಹೆಸರಲ್ಲಿ ನೀಡುವ ಈ ಪುರಸ್ಕಾರ ರೂಪಾಯಿ 10,000 ನಗದು, ಮಾನಪತ್ರ ಮತ್ತು ಸ್ಮರಣಿಕೆಯನ್ನು ಹೊಂದಿದೆ. ಈ ಪುರಸ್ಕಾರವನ್ನು 2015 ಜನವರಿ 11  à²¤à²¾à²°à³€à²•à²¿à²¨à²‚ದು ಬಾರಕೂರಿನ ಚೌಳಿಕೆರೆಯಲ್ಲಿ, ಶ್ರೀಯುತ ಸ್ಟೇನಿ ಮತ್ತು ಶ್ರೀಮತಿ ಗ್ರೆಟ್ಟಾ ಲುವಿಸ್ ಇವರ ಮನೆಯ ಅಂಗಳದಲ್ಲಿ ನಡೆಯುವ ಕವಿತಾ ಫೆಸ್ತ್ ಸಂದರ್ಭದಲ್ಲಿ ಸಯೀದಿಯವರಿಗೆ ನೀಡಲಾಗುವುದೆಂದು ಕವಿತಾ ಟ್ರಸ್ಟಿನ ಅಧ್ಯಕ್ಷರಾದ ಮೆಲ್ವಿನ್ ರೊಡ್ರಿಗಸನವರು ತಿಳಿಸಿದ್ದಾರೆ.

ಕುವೈಟಿನಲ್ಲಿ 37 ವರುಷ ನೆಲೆಸಿ ಇದೇ ವರ್ಷ ಭಾರತಕ್ಕೆ ಹಿಂದಿರುಗಿದ ಇಕ್ಬಾಲ್ ಸಯೀದಿಯವರಿಗೆ ವಿವಿಧ ಸಮಾಜಗಳಲ್ಲಿ ಹಾಗೂ ಸಂಸ್ಕೃತಿಗಳಲ್ಲಿ ಬದಲಾಗುತ್ತಿರುವ ಕಲೆ ಹಾಗೂ ಸಾಹಿತ್ಯದ ದರ್ಶನ ಸ್ವತ ಲಭಿಸಿದೆ. ಸಂಸ್ಕೃತಿಯಿಂದ ತುಂಬಿ ತುಳುಕುತ್ತಿರುವ ಭಟ್ಕಳಿನಲ್ಲಿ 1950 ರಲ್ಲಿ ಜನಿಸಿದ ಇಕ್ಬಾಲ್ ಸಯೀದಿ, ಭವಿಷ್ಯದಲ್ಲಿ ನಿತ್ಯವೂ ಹೊಸ ಶೋಧಗಳಲ್ಲಿ ತೊಡಗಿಸಿದ ಕವಿಯಾಗಿ ನವಾಯಿತಿ ಸಂಸ್ಕೃತಿ, ಪರಂಪರೆ ಹಾಗೂ ಭಾಶೆಯ ಅಭಿವೃದ್ಧಿಗೆ ಶ್ರಮಿಸಿದರು. ಅವರ ಸೋದರ ಪಯಾಮ್ ಸಯೀದಿಯವರು, ಹಿಂದಿ ಫಿಲ್ಮ್ ಲೋಕದಲ್ಲಿ ಉತ್ತಮ ಗೀತರಚನೆಕಾರರಾಗಿ ಹೆಸರು ಗಳಿಸುವ ಮೊದಲೇ, ಇಕ್ಬಾಲರಲ್ಲಿ ಭಾಶೆಯ ಹಾಗೂ ಕವಿತೆಯ ಪ್ರೀತಿ ಬೆಳೆಯಲು ಪ್ರೇರೆಪಿಸಿದರು. ಕವಿ ಅಲ್ಲಾಮಾ ಇಕ್ಬಾಲ್, ಮೀರ್, ಗಾಲೀಬ್ ಆನಿ ಜಿಗರ್ ಮುರದಾಬಾದಿ ಇವರ ಕೃತಿಗಳು ಇಕ್ಬಾಲರಲ್ಲಿ ಕವಿತೆಯ ಹೊಸ ಕಿಡಿಯನ್ನು ಹಚ್ಚಿಸುವುದರಲ್ಲಿ ಸಹಾಯಕ್ಕೆ ಬಂತು. ಭಾಶೆ ಮತ್ತು ಸಾಹಿತ್ಯದ ಜ್ಞಾನದಿಂದ ತುಂಬಿ, ಈ ಕ್ಷೇತ್ರದಲ್ಲಿ, ಏನಾದರೂ ಮಾಡಿ ತೋರಿಸಬೇಕೆಂಬ ಹಟ ಹಿಡಿದು, ಇಕ್ಬಾಲರು ಕವಿತಾ ಮಾತ್ರವಲ್ಲದೆ, ಇತರ ಸಾಹಿತ್ಯವನ್ನು ರಚಿಸಿದರು. ಇದರಲ್ಲಿ ಕೊಂಕಣಿ ನವಾಯತಿ ಬೋಲಿಯಲ್ಲಿ ರಚಿಸಿದ ಪುಸ್ತಕ ’ಮೊತಿಯಾ ದಾನೇ’ ಪ್ರಸಿದ್ಧಿ ಪಡೆಯಿತು.

ಆಧುನಿಕ ನವಾಯತಿ ಸಮಾಜದ ಮೇಲೆ ಇಕ್ಬಾಲರ ಪ್ರಭಾವ ಸಾಕಷ್ಟಿದೆ. ಅವರ ಕವಿತೆ ಹಾಗೂ ಪ್ರಬಂಧಗಳು - ಸಾಲರ್, ಇಂಕಾಲಾಬ್, ನಕ್ಷ-ಎ-ನವಾಯತ್ ಅಂತರಜಾಲ ತಾಣಗಳಲ್ಲಿ ಪ್ರಕಟಗೊಳ್ಳುತ್ತವೆ. ಇಂದಿನ ಕಾಲದ ನವಾಯತಿ ಸಮಾಜದಲ್ಲಿ ಕೊಂಕಣಿ ಕವಿಗಳ ಮಧ್ಯೆ ಇಕ್ಬಾಲರಿಗೆ ಪ್ರಮುಖ ಸ್ಥಾನವಿದೆ.

ಕುವೈಟಿನಲ್ಲಿರುವಾಗ ಭಟ್ಕಳ ಮುಸ್ಲಿಮ್ ಎಸೋಸಿಯೇಶನಿನ ಕಾರ್ಯದರ್ಶಿಯಾಗಿ ಅವರು ಸೇವೆ ನೀಡಿದ್ದಾರೆ. ಕುವೈಟ್ ರೇಡಿಯೊದಲ್ಲಿ ಇಕ್ಬಾಲರ ಸಂದರ್ಶನ ಪ್ರಸಾರ ಗೊಂಡಿದೆ.  à²•à³à²µà³ˆà²Ÿà²¿à²¨à²²à³à²²à²¿ ನಡೆದ ಬಹುತೇಕ ಅಂತರಾಷ್ಟ್ರೀಯ್ ಮುಶೈರಗಳಲ್ಲಿ ಇಕ್ಬಾಲರು ಭಾಗಿಯಾಗಿದ್ದಾರೆ. ಭಟ್ಕಳ ನವಾಯತಿ ಮುಶೈರದ ಪಂಗಡದ ಅವರು ಸದಸ್ಯರು. ನವಾಯತಿ ಮೆಹೆಫಿಲ್ ಜನಪ್ರಿಯಗೊಳಿಸುವಲ್ಲಿ ಅವರು ಸಕ್ರಿಯರಾಗಿದ್ದಾರೆ. 

ಕವಿತಾ ಟ್ರಸ್ಟಿನ ಈ ಪುರಸ್ಕಾರ ಈ ಹಿಂದೆ ಮುಂಬಯಿಯ ಕವಯಿತ್ರಿ ಅರುಣಾ ರಾವ್, ಮಂಗಳೂರಿನ ದಿ. ಲಿಯೊ ಡಿಸೋಜಾ (ಕಾವ್ಯದಾಸ್), ಗೋವೆಯ ಕಾಶಿನಾಥ ಶಾಂಭಾ ಲೊಳಿಯೆಂಕಾರ್, ಕೊಚ್ಚಿಯ ದಿ. ಶಿವಾನಂದ ಶೆಣೈ, ಗೋವೆಯ ಡೊ. ರಾಜಯ್ ಪವಾರ್ ಹಾಗೂ ಯೂಸುಫ್ ಅಬ್ದುಲ್ಲಾ ಶೇಖ್ ಇವರಿಗೆ ಲಭಿಸಿದೆ.  

ಇಕ್ಬಾಲ್ ಸಯೀದಿಯವರ ಪುಸ್ತಕಗಳು ಹಾಗೂ ಸಾಹಿತ್ಯ ಪರ್ಸೊ ಆರೇಬಿಕ್ ಲಿಪಿಯಲ್ಲಿದ್ದು, ಕವಿತಾ ಟ್ರಸ್ಟಿನ ಪುರಸ್ಕಾರ ಸಮಿತಿ ಕೆಲವೊಂದನ್ನು ರೋಮನ್ ಲಿಪಿಗೆ ಲಿಪ್ಯಾಂತರಗೊಳಿಸಿ ಓದಿದ ನಂತರ ಪುರಸ್ಕಾರಕ್ಕಾಗಿ ಈ ಒಂದು ನಿರ್ಣಯವನ್ನು ಮಾಡಿದೆ.