Write Comment     |     E-Mail To a Friend     |     Facebook     |     Twitter     |     Print

Mumbai: Konkani Bhasha Mandal Maharashtra hea Mumbaichea bhov pornya Konknni samsthean, Agostachya  20, 2017 donparam 3.30 varmcher Saint Anne’s High School Hall, L T Road, Borivli hamgasor apli Platinum Jubilee ani Konknni Bhashek  Bharatachea samvidhananth maan mel’lon 25 varsam sampchea savem Konknni Bhasha Mandallak jivall karun 25 varsam jamvcha hea su-samdarbhar ek bov dabajik karyem asa kellem.

Hea karyak Mukhel soiri jaun Ryan Group of Educational Institutions hachi M.D., Madam Grace Pinto, Udghatak jaun Shri Roy Castelino, (nikat purv odyaksh Karnataka Konkani Sahitya Akademy) ani manacho soiro jaun, Shri Udaykumar P. Gurkar, Chairman, The Shamrao Vittal Co-op Bank Ltd.

Samsthyacho Odyoksh Shri John D’Silva, Upa-Odhyoksh Shri Albert W. D’Souza, Sabha-Odhyoksh  Shri Henry Lobo, Purv Odhyoksh Shri P. N. Shanbhag, Gen Secretary Shri John R. Pereira,  Treasurer Shri Walter D’Souza ani Canara Welfare Association hacho Upa-Odhyoksh Shri George D’Souza hanni vedhicher manachi boska ghetulli.

Ponti  petovn karyachi survat kellea Udghatak Shri Roy Castelino-n Konknni bhashecho itihas vistarayen dilo.  Konknni ek Indo-Aryan mullachi porni bhas, sabar karannamk lagon tea bhashek ani bhashikamk kasht sosumk paddle tori, Tea bhashecho naas karumk proyatn jallem tori, ti bhas aaj Bharatachya samvidhanachya atve vollerimth sobhon asa mhannalo to aplea udghatan bhashannanth.

Platinum Jubilee smarak pustikachem udghatan Madam Grace Pinto-n kelem.

Samdhyachea bhurgyamk Pratibha Puraskar aani July mahinyant asa kellya Talent spradyanth bhag ghet^llya vijyetamk inama vamtlim.

Shri Stany Alvares, (Odyaksh RACHANA), Shri Francis Fernandes Casscia (Natakist), Shri Tony Martins (Tiyatrist) ani Shri H J Goveas (lekhak) Shri Vincent Castelino, The Mangalorean Welfare Association (Vidyavihar) ani  Shrimati Veronica Noronha, Borivli hamkam vedhicher phulam ani yadistika divn maan kelo.

Sangeet Samrat Shri Henry D’Souza hamkam “Lifetime Acheivement Award-2017 jaun phulam, shawl, urmal, yadistika, man-potr divn man kelo.

Bhasha Mamdallacho saha-karyadharshi Shri Pascoal Lobo, Saha kajamchi Shri Cyril Castelino, Karyakari samitiche Vangdi Smt. Benedicta Rebello, Shri Lawrence D’Souza, Kamani, Smt. Betty Naz, Ruzario K Fernandes, Cyprian Albuquerque, Anant Amembal, Leo Fernandes ani Walnes Rego hamka yadistka divn maan kelo.

Konkanni film, Natak, Tiatr, sangeet karyakrama ani   itor sorv karyamk prasaar ani maheth dimvk asa kellya novya www.konkanifilms.com Web Sitichem udghatan Shri Albert W. D’Souza-n kelem.    Hea web saiticher sorv lhan-vhod karyamcho prasar jatolo. Shri Lawrene D’Souza-Kamanin,  Sarvamni apaplea vataranth (Desh-vidhesh) jamvchea har komknni karyamcho vivar hea web saitik dadumk ja’y mhunnon website vishim mahet dili.

Manacho soiro Shri Udaykumar P. Gurkar hannim Konknni ek gresth Bhas, tika samvidhananth maan labhlaa.  Bhas ani samskruti ballvajay tar ticho phavoto pos karchi garj. Dekun sarv konknni lokan konknni bhashemt ulomvk ja’y mhunn ulo dilo.

Mukhel soiri Madam Grace Pinto hinne “Mai-bhas monshya kul’lachem mul’l, Konknni bhaashek atam sasu maimcho dorjo mel’lon asa, pun tika Avoi-cho jago mel’lomvk jaa’y” mhunn aplea sameshamth ulo dilo ani donya Devacho upkar bavudlo.

Joseph D’Souza Borivli hannim borovn digdharshillo “Kashi Karni tashi bharni”, Betty Naz virachit “Jhalanthlyo khabro” ani  Smt Vasudha Prabhu virachit “Vasrayan ki pitkayan” natkul’le sadar jale.

Vividh manoranjan   karyem asa kellem.  Hamtum Vasai, Nallasopara, Goregaon, Malad, Mahakali ani Jerimeri firgajemchea lhan-vhadmni bhag ghetullo.   Sal bhor lok ason, karyem borem sobhlem.

Surver Odyoksh Shri John D’Silva-n yevkar maglo, Shri Henry Lobo-n upkar atovnni keli.  Shri Lawrence D’Souza, Kamani. Shri Leo Fernandes ani Smt. Veronica Noronha hannim karyem nirvahann kelem.