Write Comment     |     E-Mail To a Friend     |     Facebook     |     Twitter     |     Print

ಉಡುಪಿಯಲ್ಲಿ ಕರ್ನಾಟಕ ಭೂಪಟ ಬಿಡಿಸುವ ಸ್ಪರ್ಧೆ

ಉಡುಪಿ:ಜಯಂಟ್ಸ್ ಗ್ರೂಪ್ ಉಡುಪಿ,  ವರ್ಣ ನೈಸ್ ಪ್ರಿಂಟ್, ಕುಂದಾಪುರ,  ಕರಾವಳಿ ಕಿರಣ್ ಡಾಟಾ ಕಾಂ  ಇವರ ಸಂಯುಕ್ತ ಆಶ್ರಯದಲ್ಲಿ ಉಡುಪಿ ಹೋಟೆಲ್ ಕಿದಿಯೂರ್‌ನಲ್ಲಿ ಶುಕ್ರವಾರದ೦ದು ಕನ್ನಡ ರಾಜ್ಯೋತ್ಸವದ ಅಂಗವಾಗಿ ಹಮ್ಮಿಕೊಳ್ಳಲಾದ ಕರ್ನಾಟಕ ಭೂಪಟ ಬಿಡಿಸುವ ಸ್ಪರ್ಧಾ ಕಾರ್ಯಕ್ರಮವನ್ನು  ವರ್ಣ ನೈಸ್ ಪ್ರಿಂಟ್ ಮಾಲಕರಾದ ಜಿತೇಶ್ ಕಿದಿಯೂರುರವರು  ಕರ್ನಾಟಕದ ಭೂಪಟವನ್ನು ಅನಾವರಣ ಮಾಡುವುದರ ಮೂಲಕ ಕಾರ್ಯಕ್ರಮ ಉದ್ಫಾಟಿಸಿದರು.

ಸಮಾರಂಭದಲ್ಲಿ ಜಯಂಟ್ಸ್ ಗ್ರೂಪ್‌ನ ಅಧ್ಯಕ್ಷರಾದ ದೇವದಾಸ್ ಕಾಮತ್, ಕರಾವಳಿ ಕಿರಣ್ ಡಾಟ್ ಕಾಂ ಮಾಲಕರಾದ ಟಿ.ಜಯಪ್ರಕಾಶ್ ಕಿಣಿ, ಸಮಾಜ ಸೇವಕರಾದ ವಿಶ್ವನಾಥ್ ಶೆಣೈ ಜಯಂಟ್ಸ್‌ನ ಮಾಜಿ ಅಧ್ಯಕ್ಷರಾದ ಜಗದೀಶ್ ಅಮೀನ್  ಶ್ರೀಮತಿ ರೇಖಾ ಪೈ, ಶ್ರೀಮತಿ ಚಂದ್ರಕಲಾ ಕಾಮತ್ ಸಮಾರಂಭದಲ್ಲಿ ಉಪಸ್ಥಿತರಿದ್ದರು.
ಪ್ರಥಮ ಬಾರಿ ನಡೆಸಲಾದ ಈ ಸ್ಪರ್ಧೆಯಲ್ಲಿ ಸುಮಾರು 150ಮ೦ದಿ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.

ಬಹುಮಾನ ವಿತರಣಾ ಸಮಾರ೦ಭದಲ್ಲಿ ಉಡುಪಿಯ ಸಮಾಜಸೇವಕರಾದ ಕೆ.ಕೃಷ್ಣಮೂರ್ತಿ ಆಚಾರ್ಯರವರು ವಿಜೇತರಿಗೆ ಬಹುಮಾನವನ್ನು ನೀಡಿದರು.