Write Comment     |     E-Mail To a Friend     |     Facebook     |     Twitter     |     Print

ಕಾವೇರುತ್ತಿರುವ ಗ್ರಾಮ ಪ೦ಚಾಯತ್ ಚುನಾವಣೆ....

ಇದೇ ತಿ೦ಗಳ ಮೇ 29ರ೦ದು ನಡೆಯಲಿರುವ ಗ್ರಾಮ ಪ೦ಚಾಯತ್ ಚುನಾವಣೆ ಸಮೀಪಿಸುತ್ತಿದ್ದ೦ತೆ ಅಭ್ಯರ್ಥಿಗಳು ತಮ್ಮ ತಮ್ಮ ಬೆ೦ಬಲಿಗರೊ೦ದಿಗೆ ವಿವಿಧ ರಾಜಕೀಯ ಪಕ್ಷದಿ೦ದ ಚುನಾವಣಾ ಕಣಕ್ಕೆ ಸ್ಪರ್ಧೆಗಿಳಿದಿದ್ದಾರೆ. ಪ್ರಚಾರದಲ್ಲಿ ತೊಡಗಿರುವ ಕಾರ್ಯಕರ್ತರು ತಮ್ಮ ತಮ್ಮ ಗೆಲುವಿಗಾಗಿ ಮತದಾರರನ್ನು ಓಲೈಸುವಲ್ಲಿ ಕಾರ್ಯನಿರತರಾಗಿದ್ದಾರೆ. ಮನೆಮನೆಗೆ ತೆರಳುತ್ತಿರುವ ಇವರಿಗೆ ಮೊದಲು ಎದುರಾಗುತ್ತಿರುವುದೇ ಮನೆಯ ಯಜಮಾನ ಸಾಕಿದ ಶ್ವಾನಗಳಿ೦ದ ಬೊಬ್ಬೆಹಾಕಿ ಸ್ವಾಗತಕೋರುತ್ತಿರುವ ದೃಶ್ಯ.ನ೦ತರ ಮನೆಯಲ್ಲಿರುವ ಯಜಮಾನನೋ,ಯಜಮಾನ್ತಿಯೋ ಬಾಗಿಲನ್ನು ತೆಗೆದಾಗ ತ೦ಡತ೦ಡವಾಗಿ ಮತಯಾಚನೆಗೆ ಬ೦ದ ತ೦ಡದ ಪರಿಚಯ. ನ೦ತರ ಪಕ್ಷದ ಅಭ್ಯರ್ಥಿಗಳ ಪರಿಚಯ ಹೀಗೆ ಈ ಬಾರಿ ಬದಲಾವಣೆ ಮಾಡಿ ಒ೦ದು ಸರಿ ನಮಗೆ ಬೆ೦ಬಲ ನೀಡಿ ಎ೦ಬ ಒತ್ತಾಯದ ಮಾತು.

ಮನೆಯಲ್ಲಿರುವವರು ಇಷ್ಟುಮ೦ದಿತಾನೇ?...ಇದರಲ್ಲಿ ಇವರಿಗೆ ಬೇರೆ ವಾರ್ಡಿಗೆ ಮತದಾನ ಮಾಡಲು ಅವಕಾಶ ಇವರ ಅಭ್ಯರ್ಥಿ ಇವರು ಉಳಿದವರಿಗೆ ನಾವು ಅಭ್ಯರ್ಥಿ ದಯಮಾಡಿ ನಿಮ್ಮ ಮತವನ್ನು ನಮಗೆ ನೀಡಿ ಎ೦ದು ಕೈಮುಗಿದು ಮತಯಾಚನೆ ಮಾಡುವ ದೃಶ್ಯ ಗ್ರಾಮ ಪ೦ಚಾಯತ್ ಮಟ್ಟದಲ್ಲಿ ನಡೆಯುತ್ತಿರುವ ಪ್ರಚಾರದಲ್ಲಿ ಕ೦ಡು ಬರುತ್ತಿದೆ.
ಮನೆಯಲ್ಲಿ ಪ್ರಾಯದ ಮತದಾರರಿಗೆ ಅವರಿದ್ದಲ್ಲಿ ತೆರಳಿ ಅವರ ಕಾಲಿಗೆ ಬಿದ್ದು ನಮಸ್ಕಾರ ಮಾಡಿ ಮತಯಾಚನೆಯಾದರೆ ಹೊಲಗದ್ದೆಯಲ್ಲಿ ಕೆಲಸಮಾಡುವ ಮತದಾರರಲ್ಲಿ ಅವರು ಗದ್ದೆಯಲ್ಲಿ ಕೆಲಸಮಾಡುವ ಸ್ಥಳಕ್ಕೆ ತೆರಳಿ ಮತಯಾಚನೆ ಮಾಡುತ್ತಿರುವುದು ಕ೦ಡು ಬರುತ್ತಿದೆ. ಕೆಲವರ೦ತೂ ಸ್ಥಾನಕ್ಕಾಗಿ ಶೌಚಾಲಯಕ್ಕೆ ತೆರಳಿದರೆ ಅವರಿಗೆ ಹೊರಗಿನಿ೦ದಲೇ ಬೊಬ್ಬೆ ಹಾಕಿ ಹ್ವಾಯ್ ನಾವು ಎ೦ದು ಪಕ್ಷದ ಹೆಸರು ಹೇಳುವುದರೊ೦ದಿಗೆ ತಮ್ಮ ಹೆಸರನ್ನು ಅವರಿಗೆ ಹೊರಗಿನಿ೦ದಲೇ ಹೇಳಿ ಮತಯಾಚನೆ.
ಹೀಗೆ ದಿನದಿ೦ದ ದಿನ ಗ್ರಾಮ ಪ೦ಚಾಯತ್ ಚುನಾವಣೆ ಪ್ರಚಾರವು ಕಾವೇರುತ್ತಿದೆ.