Write Comment     |     E-Mail To a Friend     |     Facebook     |     Twitter     |     Print

ಬೆಳಗಾವಿ: ಅತ್ಯಾಚಾರ ಹಾಗೂ ಕೊಲೆ ಆರೋಪದ ಮೇಲೆ ಗಲ್ಲು ಶಿಕ್ಷೆಗೆ ಗುರಿಯಾಗಿ ಹಿಂಡಲಗಾ ಕಾರಾಗೃಹದಲ್ಲಿದ್ದ ಶಿವು ಮುನಿಶೆಟ್ಟಿ ಮರ್ಮಾಂಗಕ್ಕೆ ಗಾಯಮಾಡಿಕೊಂಡ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಮುಖ್ಯ ಪೇದೆ ಅಬ್ಟಾಸ ಅಲಿ ಎಂಬುವವರನ್ನು ಅಮಾನತು ಮಾಡಲಾಗಿದೆ.

ಕಾರಾಗೃಹದಲ್ಲಿ ಶಿವು ಮುನಿಶೆಟ್ಟಿ ರಕ್ಷಣೆಗೆ ನಿಯೋಜಿಸಲಾಗಿದ್ದ ಮುಖ್ಯ ಪೇದೆ ತನ್ನ ಕರ್ತವ್ಯದಲ್ಲಿ ನಿರ್ಲಕ್ಷé ತೋರಿದ ಕಾರಣ ಅವರನ್ನು ಸೇವೆಯಿಂದ ಅಮಾನತುಗೊಳಿಸಲಾಗಿದೆ ಎಂದು ಜೈಲಿನ ಅಧೀಕ್ಷಕ ವೀರಭದ್ರಸ್ವಾಮಿ ತಿಳಿಸಿದ್ದಾರೆ.

ಆರ್‌ಬಿಐನಿಂದ 100 ರೂ. ಹೊಸ ನೋಟು ಶೀಘ್ರದಲ್ಲೆ ಬಿಡುಗಡೆ

ಬೆಂಗಳೂರು: ಭಾರತೀಯ ರಿಸರ್ವ್‌ ಬ್ಯಾಂಕ್‌ ಸದ್ಯದಲ್ಲೇ ಕೆಲವು ಬದಲಾವಣೆಗಳೊಂದಿಗೆ 100 ರೂ.ನ ಹೊಸ ನೋಟನ್ನು ಬಿಡುಗಡೆಗೊಳಿಸಲಿದೆ ಎಂದು ಬ್ಯಾಂಕ್‌ನ ಪ್ರಾದೇಶಿಕ ನಿರ್ದೇಶಕ ಉಮಾಶಂಕರ್‌ ತಿಳಿಸಿದ್ದಾರೆ.

100 ರೂ. ಹೊಸ ನೋಟಿನಲ್ಲಿ ಆರ್‌ಬಿಐನ ಗವರ್ನರ್‌ ಡಾ.ಡಿ.ಸುಬ್ಬರಾವ್‌ ಅವರ ಸಹಿಯಿದ್ದು, ನೋಟಿನ ಹಿಂದೆ ಮುದ್ರಣ ವರ್ಷ 2013ನ್ನು ಮುದ್ರಿತವಾಗಿರುತ್ತದೆ. ಅಲ್ಲದೇ ’ಎ’ ಒಳಾಕ್ಷರವನ್ನು ಎರಡೂ ಸಂಖ್ಯಾಂಕಣಗಳಲ್ಲಿ ಹೊಂದಿದ್ದು, ರೂ. ಚಿಹ್ನೆಯನ್ನು ಹಿಂಭಾಗ ಹಾಗೂ ಮುಂಭಾಗದಲ್ಲಿ ಅಳವಡಿಸಲಾಗಿರುತ್ತದೆ.

ಪ್ರಸ್ತುತ ಬಿಡುಗಡೆ ಗೊಳಿಸುವ ನೋಟುಗಳ ವಿನ್ಯಾಸವು ಈ ಹಿಂದೆ ನೀಡಲಾದ ಮಹಾತ್ಮ ಗಾಂಧಿ ಶ್ರೇಣಿ-2005 ರಲ್ಲಿ ಬಿಡುಗಡೆಯಾಗಿರುವ 100 ರೂ. ಬ್ಯಾಂಕು ನೋಟುಗಳಂತೆಯೇ ಇರುತ್ತದೆ ಎಂದು ಉಮಾಶಂಕರ್‌ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ದಕ್ಷಿಣ ಭಾರತದ ಮೇಲೆ ಉಗ್ರ ದಾಳಿ ಸಂಚು

ಪಾಕ್‌ ಉಗ್ರರು ಮತ್ತೆ ಅದೇ ಮಾದರಿಯನ್ನು ದಕ್ಷಿಣ ರಾಜ್ಯದ ನಗರಗಳಲ್ಲಿ ಕೈಗೊಳ್ಳಲು ಸಂಚು ರೂಪಿಸಿದ್ದಾರೆ...

ಪಾಕಿಸ್ತಾನದಲ್ಲಿ ಸಿದ್ಧಗೊಳ್ಳುತ್ತಿದೆ ಎಂಟು ಉಗ್ರರ ತಂಡ

- ದಾಳಿಯ ಕುರಿತು ಉಗ್ರರಿಗೆ ಕಠಿಣ ತರಬೇತಿ

-ಶ್ರೀಲಂಕಾದ ಮೂಲಕ ಭಾರತಕ್ಕೆ ನುಸುಳುವ ಹಂಚಿಕೆ

- ಗುಪ್ತಪಡೆಗೆ ಸಿಕ್ಕಿದ ಮಾಹಿತಿ, ಕರಾವಳಿಯಲ್ಲಿ ಕಟ್ಟೆಚ್ಚರ

ಮುಂಬೈ: ಒಂದೆಡೆ ಗಡಿಯಲ್ಲಿ ಉಗ್ರರನ್ನು ಭಾರತಕ್ಕೆ ನುಗ್ಗಿಸಲು ಪ್ರಯತ್ನಿಸುತ್ತಿರುವ ಪಾಕಿಸ್ತಾನ, ಇನ್ನೊಂದೆಡೆ ದಕ್ಷಿಣದ ಭಾರತದ ಪ್ರಮುಖ ಸ್ಥಳವೊಂದರಲ್ಲಿ ಮುಂಬೈ ಮಾದರಿ ದಾಳಿ ನಡೆಸಲು ಸಜ್ಜಾಗಿದೆ ಎಂಬ ಆತಂಕದ ಸುದ್ದಿ ಹೊರಬಿದ್ದಿದೆ. ಈ ನಿಟ್ಟಿನಲ್ಲಿ ಈಗಾಗಲೇ 8 ಉಗ್ರರ ತಂಡವೊಂದನ್ನು ರಚಿಸಿದ್ದು ಅವರಿಗೆ ಅಗತ್ಯ ತರಬೇತಿ ನೀಡಲಾಗುತ್ತಿದೆ ಎಂಬ ಮಾಹಿತಿಯನ್ನು ಕೇಂದ್ರ ಗುಪ್ತಚರ ಇಲಾಖೆ ಕಲೆ ಹಾಕಿದೆ. ಜೊತೆಗೆ ಈ ಹಿಂದಿನಂತೆ ಕರಾಚಿ ಮೂಲಕ ಮುಂಬೈಗೆ ಆಗಮಿಸಿದ ಮಾರ್ಗದ ಬದಲು ಈ ಬಾರಿ ಶ್ರೀಲಂಕಾ ಮೂಲಕ ಭಾರತ ಪ್ರವೇಶಿಸಲು ಸಂಚು ರೂಪಿಸಿದ್ದಾರೆ ಎಂಬ ಸುದ್ದಿಯೂ ಸಿಕ್ಕಿದೆ.

ಹೀಗಾಗಿ ಮಹಾರಾಷ್ಟ್ರದಿಂದ ಹಿಡಿದು ಕೇರಳದವರೆಗಿನ ಕರಾವಳಿ ತೀರದಲ್ಲಿ ಕಟ್ಟೆಚ್ಚರ ವಹಿಸುವಂತೆ ಕೇಂದ್ರ ಗುಪ್ತಚರ ಇಲಾಖೆ ದಕ್ಷಿಣದ ರಾಜ್ಯಗಳಿಗೆ ಸೂಚಿಸಿದೆ.

ಮುಂಬೈ ಮಾದರಿ ದಾಳಿ: 2008ರಲ್ಲಿ ಮುಂಬೈನಲ್ಲಿ ಸರಣಿ ದಾಳಿ ನಡೆಸಿ 160ಕ್ಕೂ ಹೆಚ್ಚು ಜನರನ್ನು ಬಲಿಪಡೆದಿದ್ದ ಪಾಕ್‌ ಉಗ್ರರು, ಮತ್ತೆ ಅದೇ ಮಾದರಿಯನ್ನು ದಕ್ಷಿಣ ರಾಜ್ಯದ ನಗರಗಳಲ್ಲಿ ಕೈಗೊಳ್ಳಲು ಸಂಚು ರೂಪಿಸಿದ್ದಾರೆ. ಕೇಂದ್ರ ಗುಪ್ತಚರ ಇಲಾಖೆ ಮುಂಬೈ ಪೊಲೀಸರಿಗೆ ನೀಡಿರುವ ಮಾಹಿತಿ ಅನ್ವಯ, ಪಾಕಿಸ್ತಾನದ ಉಗ್ರ ಶಿಬಿರಗಳಲ್ಲಿ 8 ಆಯ್ದ ಉಗ್ರರಿಗೆ ಭಾರತದ ಮೇಲೆ ದಾಳಿ ಮಾಡಲು ಕಠಿಣ ತರಬೇತಿ ನೀಡಲಾಗುತ್ತಿದೆ. ಲಷ್ಕರ್‌-ಎ-ತೊಯ್ಬಾ ಈ ದಾಳಿಗೆ ಸಂಚು ರೂಪಿಸಿದೆ. ಉಗ್ರರ ಮುಖ್ಯ ಗುರಿ ಕೇರಳ ಮತ್ತು ತಮಿಳುನಾಡಿನ ಕರಾವಳಿ ಪಟ್ಟಣಗಳು ಎಂದು ಹೇಳಲಾಗಿದೆ.

ತಂಡದಲ್ಲಿ ಯಾರಿದ್ದಾರೆ?: ನಾಲ್ವರು ಪಂಜಾಬಿಗಳು ಮತ್ತು ನಾಲ್ವರು ಕಾಶ್ಮೀರಿ ಅಥವ ಪಠಾಣ ಉಗ್ರರು ಪಾಕಿಸ್ತಾನದ ಲಷ್ಕರ್‌ ಶಿಬಿರದಲ್ಲಿ ತರಬೇತಿ ಪಡೆಯುತ್ತಿದ್ದಾರೆ.

ಆಗಮನ ಹೇಗೆ?: ಶ್ರೀಲಂಕಾದ ಜಾಫಾ°Ã Â²Â¦Ã Â²Â¿Ã Â²â€šÃ Â²Â¦ ಸುಮಾರು 28 ಕಿ. ಮೀ. ದೂರದ ಕರಾವಳಿ ತೀರದಿಂದ ಅವರು ಹೊರಟು ಬರಲಿದ್ದಾರೆ. ಬಹುತೇಕ ಬೆಸ್ತರ ಸೋಗಿನಲ್ಲಿ ಅವರು ದಕ್ಷಿಣದ ಕರಾವಳಿಯನ್ನು ಪ್ರವೇಶಿಸಬಹುದು ಎಂಬ ಮಾಹಿತಿ ಸಿಕ್ಕಿದೆ.

ಎಲ್ಲಿ ದಾಳಿ?: ತಮಿಳುನಾಡಿನ ಮಧುರೈ ಅಥವಾ ಮಲಾದುತುರೈ ಮತ್ತು ಕೇರಳದ ತಿರುವನಂತಪುರದ ಮೇಲೆ ಉಗ್ರರ ಕಣ್ಣಿದೆ ಎಂಬ ಮಾಹಿತಿ ಮುಂಬಯಿ ಪೊಲೀಸರಿಗೆ ರವಾನಿಸಿರುವ ಒಂಭತ್ತು ಪುಟಗಳ ಮಾಹಿತಿಯಲ್ಲಿದೆ.

ಫೆಬ್ರವರಿಯಲ್ಲೇ ಸುಳಿವು: ಕಳೆದ ಫೆ. 2ರಂದು ಶ್ರೀಲಂಕಾ ಪೊಲೀಸರು 3 ಪಾಕಿಸ್ತಾನಿ ಪ್ರಜೆಗಳನ್ನು ಬಂಧಿಸಿದ್ದರು. ಉಗ್ರರೆಂದು ಶಂಕಿಸಲಾಗಿರುವ ಅವರ ಬಳಿ ಶ್ರೀಲಂಕಾದ ಪಾಸ್‌ಪೋರ್ಟು ಇತ್ತು. ಬಂಧಿತರು ವಿಚಾರಣೆ ವೇಳೆ, ಮುಂಬೈ ಮತ್ತು ತಿರುವನಂತಪುರ ನಗರಗಳಿಗೆ ಭೇಟಿ ನೀಡಿ ಸ್ಥಳ ಪರಿಶೀಲಿಸಿರುವುದನ್ನು ಒಪ್ಪಿಕೊಂಡಿದ್ದಾರೆ. ಮುಂಬಯಿ ಮೇಲೆ ಭಯೋತ್ಪಾದಕ ದಾಳಿಯಾಗುವ ಮೊದಲು ಉಗ್ರ ಡೇವಿಡ್‌ ಹೆಡ್ಲಿ ಪ್ರವಾಸಿಗನಂತೆ ಸೋಗು ಹಾಕಿ ಮುಂಬಯಿಯ ಸಮೀಕ್ಷೆ ನಡೆಸಿದ್ದ. ಇದೇ ತಂತ್ರವನ್ನು ಲಷ್ಕರ್‌ ಮುಂದಿನ ದಾಳಿಗಳಿಗೂ ಬಳಸಿಕೊಳ್ಳುವ ಸಾಧ್ಯತೆಯಿದೆ.

ಒಂದಾದ ಉಗ್ರ ಸಂಘಟನೆಗಳು: ಲಷ್ಕರ್‌ ಜತೆಗೆ ಬಬ್ಬರ್‌ ಖಾಲ್ಸಾ ಇಂಟರ್‌ನ್ಯಾಶನಲ್‌, ಜೈಶ್‌-ಇ-ಮೊಹಮ್ಮದ್‌, ಜಮಾತ್‌-ಉದ್‌-ದಾವಾ, ಲಷ್ಕರ್‌-ಇ-ಝಂಗ್ವಿ, ಅಲ್‌ ಉಮೇರ್‌ ಮುಜಾಹಿದಿನ್‌, ಹಿಜ್ಬುಲ್‌ ಮುಜಾಹಿದಿನ್‌ ಪಾಕಿಸ್ತಾನದ ಉಗ್ರಗಾಮಿ ಸಂಘಟನೆಗಳು ಭಾರತದ ಮೇಲೆ ಕನಿಷ್ಠ ಒಂದಾದರೂ ದಾಳಿ ಮಾಡುವ ಅವಕಾಶಕ್ಕೆ ಎದುರು ನೋಡುತ್ತಿರುತ್ತವೆ. ಭಾರತದಲ್ಲಿ ವಿಧ್ವಂಸಕ ಕೃತ್ಯ ಎಸಗಿದರೆ ಉಗ್ರ ಲೋಕದಲ್ಲಿ ಅವುಗಳ ಪ್ರತಿಷ್ಠೆಗೊಂದು ಗರಿ ಮೂಡುತ್ತದೆ ಹಾಗೂ ಸಿಗುವ ಹಣಕಾಸಿನ ನೆರವಿನ ಪ್ರಮಾಣವೂ ಹೆಚ್ಚುತ್ತದೆ. ಈ ಎಲ್ಲ ಸಂಘಟನೆಗಳು ಈಗ ಇನ್ನೊಂದು ಮುಂಬಯಿ ಮಾದರಿ ದಾಳಿ ಎಸಗುವ ಸಲುವಾಗಿ ಒಂದಾಗಿವೆ ಎಂದು ಗುಪ್ತಚರ ಪಡೆ ಎಚ್ಚರಿಸಿದೆ.

ಮಾಸಾಂತ್ಯಕ್ಕೆ ರೂಪಾಯಿ 70ಕ್ಕೆ ಕುಸಿತ?
ಮುಂಬೈ: ಡಾಲರ್‌ ಎದುರು ರೂಪಾಯಿ ಬುಧವಾರ 64.11ಕ್ಕೆ ಪತನಗೊಳ್ಳುವ ಮೂಲಕ ಮತ್ತೂಂದು ಐತಿಹಾಸಿಕ ಕನಿಷ್ಠ ಮಟ್ಟ ಮುಟ್ಟಿದೆ. ಇದರ ಬೆನ್ನಲ್ಲೇ, ರೂಪಾಯಿ ಮೌಲ್ಯ ಮಾಸಾಂತ್ಯಕ್ಕೆ 70ಕ್ಕೆ ಕುಸಿಯುವ ಸಾಧ್ಯತೆ ಇದೆ ಎಂದು ಜಾಗತಿಕ ಮಟ್ಟದ ಡಶ್‌ ಬ್ಯಾಂಕ್‌ ಎಚ್ಚರಿಕೆ ನೀಡಿದೆ. ರೂಪಾಯಿ ಈಗಿನ ಮೌಲ್ಯವನ್ನು ಪರಿಗಣಿಸಿದರೆ ಅದು ಅಂಡರ್‌ವ್ಯಾಲ್ಯೂ ಆಗಿದೆ. ಆದರೆ ಈಗಿನ ನಿರಾಶಾವಾದದ ಆರ್ಥಿಕ ಪರಿಸ್ಥಿತಿಯನ್ನು ಗಮನಿಸಿದರೆ ರೂಪಾಯಿ ಮೌಲ್ಯ ಇನ್ನಷ್ಟು ಕುಸಿಯಲಿದೆ ಎಂದು ಬ್ಯಾಂಕ್‌ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಇದೇ ವೇಳೆ ಬುಧವಾರದ ಆರಂಭಿಕ ವಹಿವಾಟಿನಲ್ಲಿ 300 ಅಂಕಗಳ ಏರಿಕೆ ಕಂಡಿದ್ದ ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ರೂಪಾಯಿ ಮೌಲ್ಯದ ಸುದ್ದಿ ಹೊರಬೀಳುತ್ತಲೇ 340 ಅಂಕಗಳ ಭಾರೀ ಕುಸಿತ ಕಾಣುವ ಮೂಲಕ 18567ರಲ್ಲಿ ಕೊನೆಗೊಂಡಿತು.

ಖಾಸಗಿ ಸಹಭಗಿತ್ವದಲ್ಲಿ ಮೆಡಿಕಲ್‌ ಕಾಲೇಜು ಸ್ಥಾಪನೆ
ಭಟ್ಕಳ: ತಾಲೂಕಿನಲ್ಲಿ ಕಾಡುತ್ತಿರುವ ಜಮೀನು ಹಾಗೂ ಸುಸಜ್ಜಿತ ಆಸ್ಪತ್ರೆ ಎರಡು ಸಮಸ್ಯೆಗಳಿಗೆ ನಾವು ಶೀಘ್ರದಲ್ಲಿ ಪರಿಹಾರವನ್ನು ಕಂಡು ಕೊಳ್ಳಬೇಕಾಗಿದೆ ಎಂದು ಅನಿವಾಸಿ ಭಾರತೀಯ ಹಾಗೂ ಸ್ಥಳೀಯ ಅಂಜುಮಾನ್‌ ಸಂಸ್ಥೆ ಆಧ್ಯಕ್ಷ ಮತ್ತು ರಾಬಿತಾ ಸೊಸೈಟಿ ನೂತನ ಅಧ್ಯಕ್ಷ ಸೈಯದ್‌ ಖಲೀಲ್ಲುರ್ರೆಹಮಾನ್‌ ಹೇಳಿದರು.

ಅವರು ಇಲ್ಲಿನ ಹೆಗ್ಗಲಿನಲ್ಲಿರುವ ಮ್ಯಾಂಗೋ ಫಾರ್ಮನಲ್ಲಿ ಅನಿವಾಸಿ ಭಾರತೀಯರ ಸಂಸ್ಥೆ ರಾಬಿತಾ ಸೊಸೈಟಿ ಪ್ರತಿ ವರ್ಷದಂತೆ ಏರ್ಪಡಿಸಿದ್ದ ಅಂತರ್‌ ಸಮುದಾಯ ಸೌಹಾರ್ಧತಾ ಸಭೆಯಲ್ಲಿ ಭಾಗವಹಿಸಿ ಮಾತನಾಡಿದರು.

ಜಿಲ್ಲೆಯಲ್ಲಿ ಸರಕಾರಿ ಮೆಡಿಕಲ್‌ ಕಾಲೇಜು ಬರುವ ಭರವಸೆಯ ಹೊರತಾಗಿಯೂ, ಶೈಕ್ಷಣಿಕವಾಗಿ ಅತ್ಯಂತ ಮುಂದೆ ಇರುವ ಭಟ್ಕಳದಲ್ಲಿ ಒಂದು ಖಾಸಗಿ ಮೆಡಿಕಲ್‌ ಕಾಲೇಜನ್ನು ಎರಡೂ ಸಮುದಾಯದ ಸಹಭಾಗಿತ್ವದಲ್ಲಿ ಸ್ಥಾಪಿಸಬೇಕಾಗಿದೆ. ಈಗಾಗಲೇ ತಮ್ಮ ಬಳಿಯಲ್ಲಿ ಸ್ಥಳ ಇದ್ದು ಖಾಸಗಿ ಬಂಡವಾಳ ಹೂಡಿಕೆಯಿಂದ ಮೆಡಿಕಲ್‌ ಕಾಲೇಜು ಸ್ಥಾಪಿಸಲು ಶೀಘ್ರ ಕ್ರಮ ಕೈಗೊಳ್ಳಲಾಗುವುದು ಎಂದರು.

ಸರಕಾರ ಕೂಡಾ ಸಕಾರಾತ್ಮಕವಾಗಿ ಸ್ಪಂದಿಸುವ ಭರವಸೆಯಿದೆ. ಭಟ್ಕಳದಲ್ಲಿ ನಿರುದ್ಯೋಗ ತಡೆಯಲು ಜನತೆಗೆ ಸಹಕಾರಿಯಾಗಿರುವಂತಹ ಕೈಗಾರಿಕೆಯನ್ನು ಕೂಡಾ ಭಟ್ಕಳದಲ್ಲಿ ಆರಂಭಿಸಲು ಹಲವಾರು ಅನಿವಾಸಿ ಭಾರತೀಯರು ಉತ್ಸುಕರಾಗಿದ್ದಾರೆ ಎಂದ ಅವರು, ಭಟ್ಕಳದ ಸರ್ವತೋಮುಖ ಬೆಳವಣಿಗೆಗೆ ನಾವು ಕಂಕಣ ಬದ್ಧರಾಗಬೇಕಾಗಿದೆ ಎಂದು ಹೇಳಿದರು.

ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದ ಶಾಸಕ ಮಂಕಾಳ ಎಸ್‌. ವೈದ್ಯ ಮಾತನಾಡಿ, ಭಟ್ಕಳದಲ್ಲಿ ಅನಿವಾಸಿ ಭಾರತೀಯರು ಸ್ಥಾಪಿಸಲು ಉದ್ದೇಶಿಸಿರುವ ಮೆಡಿಕಲ್‌ ಕಾಲೇಜು ಸೇರಿದಂತೆ ಕೈಗಾರಿಕೆಗಳಿಗೂ ಕೂಡಾ ತಮ್ಮ ಸಹಕಾರ ಇದೆ. ಸರಕಾರದಿಂದ ದೊರೆಯಬೇಕಾಗಿರುವ ಅಗತ್ಯ ಸೌಲಭ್ಯಗಳನ್ನು ಒದಗಿಸಿಕೊಡುವಲ್ಲಿ ಕೂಡಾ ಪ್ರಾಮಾಣಿಕ ಪ್ರಯತ್ನ ಮಾಡುವುದಾಗಿಯೂ ಹೇಳಿದರು. ಭಟ್ಕಳದ ಅಭಿವೃದ್ಧಿಗೆ ಹಂತ ಹಂತವಾಗಿ ಶ್ರಮಿಸುವುದಾಗಿ ಹೇಳಿದ ಅವರು, ಸಮಾಜದಲ್ಲಿ ಕೆಳಸ್ಥರದಲ್ಲಿರುವವರಿಗೆ ಸದಾ ನೆರವು ನೀಡಲು ಬದ್ಧ ಎಂದರು.

ಸೇವಾ ವಾಹಿನಿ ಅಧ್ಯಕ್ಷ ಸುರೇಂದ್ರ ಶ್ಯಾನುಭಾಗ್‌, ಸೈಯದ್‌ ಹಾಶಿಮ್‌, ನ್ಯಾಯವಾದಿ ಆರ್‌.ಆರ್‌. ಶ್ರೇಷ್ಠಿ, ಕೃಷ್ಣಾ ನಾಯ್ಕ, ಮುಹಮ್ಮದ್‌ ರಝಾ ಮಾನ್ವಿ, ಇನಾಯತುಲ್ಲಾ ಶಾಬಂದ್ರಿ ಮುಂತಾದವರು ಮಾತನಾಡಿದರು.

ರಾಬಿತಾ ಸೊಸೈಟಿಯ ನಿಕಟಪೂರ್ವ ಅಧ್ಯಕ್ಷ ಅಬ್ದುಲ್ಲಾ ಲಂಕಾ, ನಿಕಟಪೂರ್ವ ಕಾರ್ಯದರ್ಶಿ ಅಬ್ದುಲ್‌ ರೆಹಮಾನ್‌ ಸಿದ್ಧಿಕಿ, ನೂತನ ಕಾರ್ಯದರ್ಶಿ ಯುನುಸ್‌ ಖಾಜಿಯಾ, ಮೊಹಿದ್ದೀನ್‌ ರುಕು°Ã Â²Â¦Ã Â³ÂÃ Â²Â¦Ã Â³â‚¬Ã Â²Â¨Ã Â³Â‌ ಮುಂತಾದವರು ಉಪಸ್ಥಿತರಿದ್ದರು.