Write Comment     |     E-Mail To a Friend     |     Facebook     |     Twitter     |     Print

ನವದೆಹಲಿ: ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರುವಾಸಿಯಾಗಿರುವ ’ದಿ ಬ್ಯಾಚಲರ್‌’ ರಿಯಾಲಿಟಿ ಶೋನ ಹಿಂದಿ ಅವತರಣಿಕೆ ’ದಿ ಬ್ಯಾಚಲರೇಟ್‌ ಇಂಡಿಯಾ- ಮೇರೆ ಖಯಲೊನ್‌ ಕಿ ಮಲ್ಲಿಕಾ’ ರಿಯಾಲಿಟಿ ಶೋದಲ್ಲಿ ಬಾಲಿವುಡ್‌ ನಟಿ ಮಲ್ಲಿಕಾ ಶೆರಾವತ್‌ ಅವರು ವಿಜಯ್‌ ಸಿಂಗ್‌ ಎಂಬ ಯುವಕನನ್ನು ಸಂಗಾತಿಯನ್ನಾಗಿ ಆಯ್ಕೆ ಮಾಡಿಕೊಂಡಿದ್ದಾರೆ.

ಹಿಮಾಚಲ ಪ್ರದೇಶದ ಧರ್ಮಶಾಲಾ ಮೂಲದ ರೂಪದರ್ಶಿಯಾಗಿರುವ 24ರ ಹರೆಯದ ವಿಜಯ್‌ ಸಿಂಗ್‌ ಅವರನ್ನು ಶುಕ್ರವಾರ ರಾತ್ರಿ ನಡೆದ ಬ್ಯಾಚಲರೇಟ್‌ ಇಂಡಿಯಾ ಸ್ಪರ್ಧೆಯ ಫೈನಲ್‌ನಲ್ಲಿ 37 ವರ್ಷದ ಮಲ್ಲಿಕಾ ತಮ್ಮ ಹೃದಯದ ಸಾಮ್ರಾಟನನ್ನಾಗಿ ಆರಿಸಿಕೊಂಡರು.

ಅಂತಿಮ ಸುತ್ತಿನಲ್ಲಿ ವಿಜಯ್‌ ಹಾಗೂ ಲಂಡನ್‌ ಮೂಲದ ಎನ್‌ಆರ್‌ಐ ಹೋಟೆಲ್‌ ಉದ್ಯಮಿ ಕರಣ್‌ ಸಾಗೂ ನಡುವೆ ಪೈಪೋಟಿ ಏರ್ಪಟ್ಟಿತ್ತು. ವಿಜಯ್‌ಗಿಂತ 10 ವರ್ಷ ವಯಸ್ಸಿನಲ್ಲಿ ದೊಡ್ಡವರಾದ ಕರಣ್‌ ಬದಲಿಗೆ ವಿಜಯ್‌ ಅವರನ್ನೇ ಮಲ್ಲಿಕಾ ಅಯ್ಕೆ ಮಾಡಿಕೊಂಡರು.

ಇಷ್ಟು ದಿವಸ ವಿಜಯ್‌ರನ್ನು ಕೆಮೆರಾ ಮುಂದೆ ನೋಡಿದ್ದೇನೆ. ಇನ್ನು ಮುಂದೆ ಕೆಮೆರಾರಹಿತ ಜೀವನದಲ್ಲೂ ಕಾಣಬೇಕು. ಈ ಶೋ ಮೂಲಕ ಸಂಗಾತಿಗೆ ಹುಡುಕಾಟ ನಡೆಸುತ್ತಿದ್ದೆ. ಆದರೆ ಸ್ಪರ್ಧೆಯಲ್ಲಿ ಆಯ್ಕೆ ಮಾಡಿಕೊಂಡವರ ಜತೆಯೇ ಜೀವನ ಕಳೆಯುತ್ತೇನೆ ಎಂದು ಭರವಸೆ ನೀಡುವುದಿಲ್ಲ ಎಂದು ಐದು ವಾರಗಳ ಹಿಂದೆ ’ಲೈಫ್ ಓಕೆ ಟೀವಿ’ ಚಾನೆಲ್‌ನಲ್ಲಿ ಶುರುವಾಗಿದ್ದ ಸ್ಪರ್ಧೆಯ ಕಡೆಯ ಕಂತಿನಲ್ಲಿ ಮಲ್ಲಿಕಾ ಹೇಳಿದರು. ಈ ಸ್ಪರ್ಧೆಯಲ್ಲಿ ದೇಶದ ವಿವಿಧ ಭಾಗಗಳು ಹಾಗೂ ವಿದೇಶಗಳಿಂದ 30 ಸ್ಪರ್ಧಿಗಳು ಪಾಲ್ಗೊಂಡಿದ್ದರು