Write Comment     |     E-Mail To a Friend     |     Facebook     |     Twitter     |     Print

ಸಲೋನಿ ಎರಡನೇ ಸಲ ಬರ್ತಿದ್ದಾಳೆ

ಪರಭಾಷಾ ನಟಿಯರು ಒಮ್ಮೆ ಕನ್ನಡಕ್ಕೆ ಎಂಟ್ರಿಕೊಟ್ಟು ಹೋದರೆ ಸಾಕು, ಅವರು ನಮ್ಮ ನಿರ್ಮಾಪಕ, ನಿರ್ದೇಶಕರ ಲಿಸ್ಟ್‌ನಲ್ಲಿ ಇದ್ದೇ ಇರುತ್ತಾರೆ. ಹಾಗಾಗಿಯೇ ಪರಭಾಷಾ ನಟಿಯರು ಬಂದು-ಹೋಗುತ್ತಿರುತ್ತಾರೆ. ಈಗ ಆ ಲಿಸ್ಟ್‌ಗೆ ಸಲೋನಿ ಸೇರ್ಪಡೆ. ಈಗಾಗಲೇ ಕನ್ನಡದ ಸಾಕಷ್ಟು ಚಿತ್ರಗಳಲ್ಲಿ ನಟಿಸಿರುವ ಸಲೋನಿ ಈಗ ಮತ್ತೆ ಎಂಟ್ರಿಕೊಟ್ಟಿದ್ದಾರೆ. ಈ ಮೂಲಕ ಸಲೋನಿ ಮತ್ತೂಮ್ಮೆ ಕನ್ನಡ ಚಿತ್ರರಂಗದತ್ತ ಮುಖ ಮಾಡಿದ್ದಾರೆ. ಅದು ’ಜಗ್ಗಿ’ ಮೂಲಕ. ’ಜಗ್ಗಿ’ ಇದು ಹೊಸಬರ ಚಿತ್ರ. ಸುಲ್ತಾನ್‌ ರಾಜ ಎನ್ನುವವರು ಈ ಚಿತ್ರದ ನಿರ್ದೇಶಕರು. ಎಸ್‌ಎನ್‌ಎಸ್‌ ಶ್ರೀನಿವಾಸ್‌ ಈ ಚಿತ್ರದ ನಿರ್ಮಾಪಕು.

’ಅಂಗಾರಕ’, ’ರಾಗಿಣಿ ಐಪಿಎಸ್‌’ ಸೇರಿದಂತೆ ಒಂದಷ್ಟು ಚಿತ್ರಗಳಲ್ಲಿ ಸಣ್ಣ-ಪುಟ್ಟ ಪಾತ್ರ ಮಾಡಿರುವ ಸುನೀಲ್‌ರಾಜ್‌ ಎನ್ನುವವರು ಈ ಚಿತ್ರದ ಮೂಲಕ ಹೀರೋ ಆಗುತ್ತಿದ್ದಾರೆ. ’ಜಗ್ಗಿ’ ಒಂದು ಲವ್‌ ಕಂ ಆ್ಯಕ್ಷನ್‌ ಸಿನಿಮಾವಂತೆ. ಇಂದಿನ ಟ್ರೆಂಡ್‌ಗೆ ತಕ್ಕಂತೆ ಸಿನಿಮಾ ಮಾಡುತ್ತಿದ್ದಾರಂತೆ. ಹಾಗಾಗಿ ಸಿನಿಮಾದಲ್ಲಿ ಸಿಕ್ಕಾಪಟ್ಟೆ ಕಮರ್ಷಿಯಲ್‌ ಅಂಶಗಳಿವೆ ಎಂಬುದು ಚಿತ್ರತಂಡದ ಮಾತು. ಚಿತ್ರಕ್ಕೆ ಎಲ್ವಿನ್‌ ಜೋಶ್ವಾ ಅವರ ಸಂಗೀತವಿದೆ.

ಅಂದಹಾಗೆ, ಚಿತ್ರದಲ್ಲಿ ಸಲೋನಿಗೆ ಏನು ಪಾತ್ರ ಎಂಬ ಬಗ್ಗೆ ಮಾಹಿತಿಯಿಲ್ಲ. ಸಲೋನಿ ಎಂದರೆ ಪಕ್ಕಾ ಗ್ಲಾಮರ್‌ ಬೆಡಗಿ ಎಂದು ಬಿಂಬಿತವಾಗಿರುವುದರಿಂದ ಇಲ್ಲೂ ಕೂಡಾ ಗ್ಲಾಮರಸ್‌ ಪಾತ್ರ ಇರಬಹುದೆಂದು ನೀವು ಊಹಿಸಿಕೊಳ್ಳಬಹುದು. ಸಲೋನಿ ಈಗಾಗಲೇ ’ಬುದ್ಧಿವಂತ’, ’ದುಬೈ ಬಾಬು’, ’ಮಿ.ತೀರ್ಥ’, ’ಬೆಂಕಿ ಬಿರುಗಾಳಿ’ ಸೇರಿದಂತೆ ಒಂದಷ್ಟು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಜೊತೆಗೆ ಉಪೇಂದ್ರ ಅವರ ’ಬಸವಣ್ಣ’ ಚಿತ್ರದಲ್ಲೂ ನಟಿಸುತ್ತಿದ್ದಾರೆಂಬ ಸುದ್ದಿ ಇದೆ.