Write Comment     |     E-Mail To a Friend     |     Facebook     |     Twitter     |     Print

ಮಂಗಳೂರು : ರಾಜ್ಯದ ನೂತನ ಮುಖ್ಯಮಂತ್ರಿ ಡಿ.ವಿ. ಸದಾನಂದ ಗೌಡ ಅವರನ್ನು ಮುಖ್ಯಮಂತ್ರಿಗಳ ಅಧಿಕೃತ ನಿವಾಸ ’ಕೃಷ್ಣಾ’ದಲ್ಲಿ ಬುಧವಾರ ಇಂಟರ್ನೇಶನಲ್‌ ಫೆಡರೇಶನ್‌ ಆಫ್ ಕರ್ನಾಟಕ ಕ್ರಿಶ್ಚಿಯನ್‌ ಅಸೋಸಿಶನ್ಸ್‌ ಸಂಸ್ಥೆಯ ಸಂಸ್ಥಾಪಕ, ಅನಿವಾಸಿ ಭಾರತೀಯ ಉದ್ಯಮಿ ರೊನಾಲ್ಡ್‌ ಕೊಲಾಸೊ ನಿಯೋಗ ಭೇಟಿ ನೀಡಿ ಶುಭ ಹಾರೈಸಿತು.

ನೂತನ ಮುಖ್ಯಮಂತ್ರಿಯ ಅಧಿಕಾರದ ಅವಧಿಯಲ್ಲಿ ರಾಜ್ಯ ಸರ್ವಾಂಗೀಣ ಅಭಿವೃದ್ಧಿ ಕಾಣುವ ಜೊತೆಗೆ ಜನತೆ ಕೋಮು ಸೌಹಾರ್ದತೆಯೊಂದಿಗೆ ಬದುಕು ನಡೆಸುವಂತಾಗಲಿ ಎಂದು ನಿಯೋಗ ಹಾರೈಸಿತು.

ರಾಜ್ಯ ಸರಕಾರ ಕ್ರೈಸ್ತರ ಅಭಿವೃದ್ಧಿಗಾಗಿ 50 ಕೋಟಿ ರೂ. ಮೀಸಲಿಟ್ಟು ಕ್ರೈಸ್ತ ಅಭಿವೃದ್ಧಿ ಮಂಡಳಿ ರಚನೆಗೆ ಮುಂದಾಗಿರುವುದು ಸ್ವಾಗತಾರ್ಹ. ಮಂಡಳಿಯನ್ನು ಶೀಘ್ರ ರಚಿಸಿ ಅಧ್ಯಕ್ಷರು ಮತ್ತು ಸದಸ್ಯರ ನೇಮಕಾತಿ ನಡೆಸುವಂತೆ ನಿಯೋಗ ವಿನಂತಿಸಿತು.

2008ರಲ್ಲಿ ಚರ್ಚುಗಳ ಮೇಲೆ ದಾಳಿ ನಡೆದ ಸಂದರ್ಭದಲ್ಲಿ ಸಮುದಾಯದ ಅಮಾಯಕ ಯುವಕರ ವಿರುದ್ಧ ದಾಖಲಿಸಿಕೊಳ್ಳಲಾದ ಕ್ರಿಮಿನಲ್‌ ಮೊಕದ್ದಮೆಗಳನ್ನು ಹಿಂಪಡೆಯಲು ಸರಕಾರ ನೀಡಿರುವ ಭರವಸೆಯನ್ನು ಕಾರ್ಯರೂಪಕ್ಕೆ ತರುವಂತೆ ನಿಯೋಗ ಮನವಿ ಮಾಡಿತು.

ರಾಯನ್‌ ಇಂಟರ್‌ನ್ಯಾಶನಲ್‌ ಗ್ರೂಪ್‌ ಆಫ್ ಎಜುಕೇಶನಲ್‌ ಇನ್‌ಸ್ಟಿಟ್ಯೂಟ್‌ನ ಆಡಳಿತ ನಿರ್ದೇಶಕಿ ಮೇಡಂ ಗ್ರೇಸ್‌ ಪಿಂಟೋ, ಇಫ್ಕ್ಕ ಸಂಚಾಲಕ ಡೆನಿಸ್‌ ಡಿ’ಸಿಲ್ವಾ, ಉಡುಪಿ ಐಎಫ್ಕೆಸಿಎ ಅಧ್ಯಕ್ಷ ಲೂಯಿಸ್‌ ಲೋಬೊ, ಮುಖಂಡರಾದ ಫೆಲಿಕ್ಸ್‌ ಎ. ಡಿ’ಸೋಜ ತಾಕೊಡೆ, ಆ್ಯಗ್ನೆಸ್‌ ಡಿ’ಸೋಜ, ವಲೇರಿಯನ್‌ ಫೆರ್ನಾಂಡಿಸ್‌, ಅರುಣ್‌ ಮೆಂಡಿಸ್‌, ಕ್ಲಿಫ‌ರ್ಡ್‌ ಮಸ್ಕರೇನಸ್‌, ರೋನ್ಸ್‌ ಬಂಟ್ವಾಳ, ಚಾರ್ಲ್ಸ್‌ ಗೋಮ್ಸ್‌, ಅನಿಲ್‌ ರೇಗೊ, ಐಡಾ ಡಿ’ಕುನ್ಹಾ, ಮೈಕಲ್‌ ಬ್ಯಾಪ್ಟಿಸ್ಟ್‌, ಜೋಯಲಸ್‌ ತಾಕೊಡೆ, ಪ್ರಶಾಂತ್‌ ಜತ್ತನ್‌, ಸ್ಟೀವನ್‌ ಮೆಂಡಿಸ್‌, ನೈಜಿಲ್‌ ಕೊಲಾಸೊ, ನ್ಯಾ| ಫ್ಲೋರೆನ್ಸ್‌ ಮೆಂಡಿಸ್‌, ಕೆ. ಸ್ಟೇನ್ಲಿ ಕೋಲಾರ ಮುಂತಾದವರು ಉಪಸ್ಥಿತರಿದ್ದರು.