Write Comment     |     E-Mail To a Friend     |     Facebook     |     Twitter     |     Print

Udupi : Delhi bound young lady who was found helpless with facing crisis found in the city and Social workers Nithyananda Olakadu and Taranath Mesta Shiroor had provided her a temporary shelter along with another social worker Vishu Shetty.

Under the leadership of Women Police Station of the city succeeded in providing safe haven to the lady in Sri Sai Sevashram in Manjeshwar which duly complying with concerned legal formalities.

Helpless lady said that due to family problems, she was debarred from the family and with the intention of become devotion to God, from Delhi she reached Udupi while her pocket was empty during the travelling from Delhi. As soon as she reached Udupi Railway Station on 31^st January; someone told her the address to reach Sri Krishna Math and asked Pejawar Math to help her. Math juniors gave her food and later given information regarding her to Nithayanand Olakadu, social worker.

 Nithayanand Olakadu reached the Math along with his friend Taranath Mesta and met the lady with the some of the Math staff.

Then Nithayanand Olakadu, Taranath Mesta took her to Women Police station in the ambulance. Muktabai, Woman Police Officer enquired all details from her and came forward to help the poor lady.

The woman told to the police that she badly wanted a roof over her head and that she has chosen the path of devotion of God. She said that she has been an ardent devotee of Lord Krishna. The lady gave her name as Rinku Sharma, daughter of Sureet Sing and Lalmati Devi who running a beauty parlour at New Delhi. The social workers have sought details about the lady from people knowing anything about her which can be dispatched to her parents if known, social workers said.

Vishu Shettys Report as below:

 ಅಸಹಾಯಕ ಸ್ಥಿತಿಯಲ್ಲಿ ದೆಹಲಿ ಮೂಲದ ಯುವತಿ ಪತ್ತೆ. ಉಡುಪಿಯ ಮೂವರು ಆಪತ್ಭಾಂದವರಿಂದ ರಕ್ಷಣೆ.

         ಉಡುಪಿ, ಫೆ.2: ಅಸಹಾಯಕ ಪರಿಸ್ಥಿತಿಯಲ್ಲಿ ಉಡುಪಿಯಲ್ಲಿ ಪತ್ತೆಯಾದ ದೆಹಲಿ ಮೂಲದ ಯುವತಿಯನ್ನು ಜ.31ರಂದು ರಕ್ಷಿಸಿ, ಯುವತಿಗೆ ತಾತ್ಕಾಲಿಕ ನೆಲೆಯನ್ನು  ಸಾಮಾಜಿಕ ಕಾರ್ಯಕರ್ತರಾದ ನಿತ್ಯಾನಂದ ಒಳಕಾಡು, ತಾರಾನಾಥ್ ಮೇಸ್ತರು ಒದಗಿಸಿದ್ದರು. ಈಗ ಯುವತಿಗೆ ಸೂಕ್ತವಾದ ಆಶ್ರಯವನ್ನು ಮಂಜೇಶ್ವರದ ಶ್ರೀಸಾಯಿ ಸೇವಾಶ್ರಮದಲ್ಲಿ ಸಮಾಜಸೇವಕರಾದ ನಿತ್ಯಾನಂದ ಒಳಕಾಡು, ವಿಶು ಶೆಟ್ಟಿ, ತಾರಾನಾಥ್ ಮೇಸ್ತರು ಜೊತೆಗೊಡಿ ಕೊಂಡು ಕಾನೂನು ಪ್ರಕ್ರೀಯೆ ನೆಡೆಸಿ ಒದಗಿಸಿದ್ದಾರೆ.

ಏನಿದು ಪ್ರಕರಣ...?

            ಜ.31 ರಂದು ಸುಮಾರು 35 ರ, ಆಸುಪಾಸು ವಯಸ್ಸಿನ, ಹಿಂದಿ ಭಾಷೆ ಮಾತನಾಡುವ ಯುವತಿಯೊರ್ವಳು ಉಡುಪಿಯ ಪೇಜಾವರ ಮಠಕ್ಕೆ ಬಂದಿದ್ದಾಳೆ. ಅಲ್ಲಿ ತನ್ನ ಅಸಹಾಯಕ ಪರಿಸ್ಥಿತಿಯನ್ನು ಮಠದ ವಾಸಿಗಳಲ್ಲಿ ಹೇಳಿ ಕೊಂಡಿದ್ದಾಳೆ. ಮಠದ ಸಿಬ್ಭಂದಿಗಳು ವಿಷಯವನ್ನು ಸಮಾಜಸೇವಕ ನಿತ್ಯಾನಂದ ಒಳಕಾಡು ಅವರಿಗೆ ತಿಳಿಸಿದ್ದಾರೆ. ನಿತ್ಯಾನಂದ ಒಳಕಾಡು ಅವರು ಗಳೆಯ ತಾರಾನಾಥ್ ಮೇಸ್ತ ಅವರೊಂದಿಗೆ ಜೊತೆಗೂಡಿ ಮಠದಲ್ಲಿದ್ದ ಯುವತಿಯನ್ನು ಸಂಪರ್ಕಿಸಿದ್ದಾರೆ. ನಂತರ ಯುವತಿಯಲ್ಲಿ ಸಮಸ್ಯೆಯನ್ನು ವಿಚಾರಿಸಿದ್ದಾರೆ.

ಯುವತಿ ಹೇಳಿದ್ದೇನು...?           

       ತನಗೊಂದು ಆಶ್ರಯ ಬೇಕು. ಭಕ್ತಿ ಮಾರ್ಗದಲ್ಲಿ ನಾನು ದಿನ ಕಳೆಯುತ್ತಿದ್ದೆನೆ. ಈ ಹಿಂದೆ ನಾನು ದೆಹಲಿಯ ಆಶ್ರಮವೊಂದರಲ್ಲಿ ಆಧ್ಯಾತ್ಮ ಬದುಕು ಸಾಗಿಸುತ್ತಿದ್ದೆ. ರಾಜೇಶ್ ಕಾಮತ್ ಕರ್ನಾಟಕದ ಉಡುಪಿ ಮೂಲದ ವ್ಯಕ್ತಿ ದೆಹಲಿಯ ಆಶ್ರಮದಲ್ಲಿ ಪರಿಚಯವಾದ, ಮದುವೆಯೂ ನಡೆಯಿತು. ಆತ ಮತ್ತೆ ನನ್ನಿಂದ ದೂರವಾದ.ಆತನ ಸ್ವಷ್ಟ ವಿಳಾಸ ಗೊತ್ತಿಲ್ಲ. ಆತನ ಹುಡುಕಾಡುತ್ತ ಕರ್ನಾಟಕಕ್ಕೆ ಬಂದೆ ಎಂದು ಹೇಳುತ್ತಾಳೆ. ಒಮ್ಮೊಮ್ಮೆ ಗೊಂದಲದ ಹೇಳಿಕೆ ನೀಡಿದ್ದಾಳೆ. 

ಯುವತಿಯ ಮಾನಸಿಕ ಸ್ಥಿತಿ..!!

        ಮಾನಸಿಕ ಆಘಾತಕ್ಕೋ ಶೋಷಣೆಗೆ ಒಳಪಟ್ಟುವಳಂತೆ ಮೆಲ್ನೋಟಕ್ಕೆ ಕಾಣುತ್ತಾಳೆ. ಭಕ್ತಿ ಮಾರ್ಗ ಚಿಂತನೆಯ ಮಾತುಗಳನ್ನು ಆಡುತ್ತಾಳೆ. ಜೊತೆಯಲ್ಲಿ ಅವಧೂತ ಸಾಧು ಸಂತರ ಫೋಟಗಳನ್ನು ಧಾರ್ಮಿಕ ಗ್ರಂಥಗಳನ್ನು ಬಟ್ಟೆ ಬರೆಗಳನ್ನು ಜೊತೆಯಲ್ಲಿ ತಂದಿದ್ದಾಳೆ. ಶ್ರೀಕೃಷ್ಣನ ಭಕ್ತೆ ಎನ್ನುತ್ತಾಳೆ. ಗುರು ಆಜ್ಞೆಯ ಮೆರೆಗೆ ಲೋಕ ಕಲ್ಯಾಣರ್ಥಾವಾಗಿ ಸಂಚಾರಕ್ಕೆ ಬಂದಿದ್ದೆನೆ ಎನ್ನುತ್ತಾಳೆ.

ಆತಂಕದ ವಾತವರಣ ಯುವತಿ ಸುರದ್ರೂಪಿಯಾಗಿ ಆಕರ್ಷಣೀಯವಾಗಿದ್ದಳು. ಮುಗ್ಧ  ಯುವತಿಯ ಅಸಹಾಯಕತೆಯನ್ನು ದುರೂಪಯೋಗ ಪಡಿಸಿ ಕೊಳ್ಳುವ ಸಾದ್ಯತೆಯೂ ಇತ್ತು.

ನಲೆ ಇಲ್ಲದ ಒಂಟಿ ಯುವತಿ ಬೀದಿ ಸುತ್ತಿದರೆ ಬೀದಿ ಕಾಮುಕರ  ಹದ್ದಿನ ಕಣ್ಣಿಗೆ ಬೀಳುವ ಸಂದರ್ಭವು ಇತ್ತು.

ಯುವತಿಯ ಅಳಲು:

          ಯುವತಿನ್ನು ಮೊದಲು ತಾತ್ಕಾಲಿಕವಾಗಿ ಕೊರಂಗ್ರಪಾಡಿ ಕಾರುಣ್ಯ ಆಶ್ರಮದಲ್ಲಿ ಆಶ್ರಯ ನೀಡಲಾಯಿತು. ಆಕೆ ತಾನು ಬ್ರಾಹ್ಮಣ ಸಮಾಜದವರು. ಸಸ್ಯಹಾರದ ವ್ಯವಸ್ಥೆ ಆಗ ಬೇಕು. ಅಡಿಗೆಯಲ್ಲಿ ಬೆಳ್ಳುಳ್ಳಿ ನೀರುಳ್ಳಿ ಬಳಕೆ ಮಾಡ ಬಾರದು. ಜಪ ತಪ ಧ್ಯಾನಾದಿಗಳಿಗೆ ಪ್ರಶಾಂತ ವಾತವರಣ ಬೇಕು ಎಂದು ತನ್ನ ಅಳಲನ್ನು ಸಮಾಜಿಕ ಕಾರ್ಯಕರ್ತರಲ್ಲಿ ಹೇಳಿ ಕೊಂಡಳು. ಕಾರಣ್ಯ ಆಶ್ರಮ ಮಾಂಸಹಾರ ಉಟೋಪಚಾರದ ವ್ಯವಸ್ಥೆಯ ಆಶ್ರಮವಾಗಿತ್ತು. ಹಾಗಾಗಿ ಆಕೆಯು ತನ್ನ ಮಡಿವಂತಿಕೆಗೆ ಆ ಆಶ್ರಮ ಒಗ್ಗಲಿಲ್ಲವೆಂದು ಕಾರಣ ನೀಡಿದ್ದಳು. 

ನೆರವಿಗೆ ಬಂದ ಮೂವರು ಆಪತ್ಭಾಂದವರು:

        ಯುವತಿಯ ಮನೋಸ್ಥಿತಿ ಅರ್ಥ ಮಾಡಿ ಕೊಂಡ ಮೂವರು ಸಮಾಜಸೇವಕರಾದ  ನಿತ್ಯಾನಂದ ಒಳಕಾಡು,ವಿಶು ಶೆಟ್ಟಿ ಅಂಬಲಪಾಡಿ, ತಾರಾನಾಥ್ ಮೇಸ್ತ ಶಿರೂರು ಅವರು, ಯುವತಿಗೆ ಯೋಗ್ಯವಾದ ಸುವ್ಯವಸ್ಥಿತವಾದ  ಮಂಜೇಶ್ವರದ ದೈಗುಳಿಯಲ್ಲಿರುವ ಶ್ರೀ ಸಾಯಿ ಸೇವಾಶ್ರಮವನ್ನು ಗುರುತಿಸಿದ್ದಾರೆ. ಆಶ್ರಮದ ಸಂಚಾಲಕರಾದ ಡಾ.ಉದಯ ಕುಮಾರ್ ಅವರನ್ನು ಸಂಪರ್ಕಿಸಿ  ಅಸಹಾಯಕ ಮಹಿಳೆಯ ವಿಚಾರವನ್ನು ಹೇಳಿದ್ದಾರೆ. ಸ್ಪಂದಿಸಿದ ಸಂಚಾಲಕರು ಆಶ್ರಯ ನೀಡುವುದಾಗಿ ಭರವಸೆ ನೀಡಿದ್ದಾರೆ. ಅವರ ಭರವಸೆಯಂತೆ ಮೂವರು ಸಮಾಜಸೇವಕರು ಕಾನೂನು ಪ್ರಕ್ರೀಯೆ ನೆಡೆಸಿ ಫೆ.1ರಂದು ಆಶ್ರಮಕ್ಕೆ ದಾಖಲು ಪಡಿಸಿದ್ದಾರೆ. ವಿಶು ಶೆಟ್ಟಿ ಅವರು ಹೋಗಿ ಬರುವ ಸಂಚಾರಕ್ಕೆ ವಾಹನ ಸೇವೆ ಉಚಿತವಾಗಿ ನೀಡಿದ್ದಾರೆ.

ಕಾನೂನು ಪ್ರಕ್ರೀಯೆ 

        ನಗರ ಮಹಿಳಾ ಠಾಣೆಯ ಅಧಿಕಾರಿ ಮುಕ್ತ ಬಾಯಿ ಅವರು ಯುವತಿಯನ್ನು ವಿಚಾರಣೆ ಪಡಿಸಿದ್ದಾರೆ. ಸೂಕ್ತವಾದ ಮಾಹಿತಿಯನ್ನು ಕಲೆ ಹಾಕಿ, ಮಹಿಳೆಯ ಪೂರ್ವಾಪರ ವಾರಸುದಾರ ಹುಡುಕಾಟದ ಪ್ರಯತ್ನದಲ್ಲಿದ್ದಾರೆ. ಯುವತಿಗೆ ಸಾಂತ್ವಾನ ಹೇಳಿದ್ದಾರೆ. ಯುವತಿಯನ್ನು ಮಂಜೇಶ್ವರದ ದೈಗುಳಿ ಆಶ್ರಮಕ್ಕೆ ಸಾಗಿಸುವ ಸಂದರ್ಭ ಎರಡು ಮಹಿಳಾ ಸಿಬ್ಭಂದಿಯನ್ನು ಕಳಿಸಿ ಕೊಟ್ಟಿದ್ದಾರೆ.

ಆಶ್ರಮದ ಹೇಳಿಕೆ: 

ಯುವತಿಯನ್ನು ಆಪ್ತ ಸಮಾಲೋಚನೆಗೆ ಒಳಪಡಿಸುತ್ತೆವೆ. ದೈಹಿಕ ಆರೋಗ್ಯ ತಪಾಸಣೆ ನೆಡಸಲಿದ್ದೆವೆ. ಅವಳ ಬಯಸಿದ ವ್ಯವಸ್ಥೆಯನ್ನು ಒದಗಿಸುತ್ತೆವೆ. ಹಂತ ಹಂತವಾಗಿ ವಿಚಾರಣೆ ನಡೆಸಿ ಆಕೆಯ ವಾಸ್ತವ್ಯ ವಿಳಾಸ ಕಲೆ ಹಾಕುತ್ತೆವೆ ಎಂದು ಆಶ್ರಮದ ಸಂಚಾಲಕರಾದ ಡಾ.ಉದಯ ಕುಮಾರ್ ಅವರು ಹೇಳಿದ್ದಾರೆ.

ಪಲಿಮಾರು ಮಠದ ನೆರವು

      ನಿತ್ಯಾನಂದ ಒಳಕಾಡು, ತಾರಾನಾಥ್ ಮೇಸ್ತ ಅವರು ಯುವತಿಯ ಅಸಹಾಯಕ ಪರಿಸ್ಥಿತಿಯ ಬಗ್ಗೆ ಪರ್ಯಾಯ ಕೃಷ್ಣಮಠದ ಶ್ರೀ ವಿಧ್ಯಾದೀಶ ಸ್ವಾಮಿಜೀ ಅವರಲ್ಲಿ ಹೇಳಿದ್ದಾರೆ. ಆಕೆಗೆ ಆಶ್ರಯ ಕಲ್ಪಿಸುವ ವ್ಯವಸ್ಥೆ ಮಾಡುದ್ದೆವೆ ಎಂದು ಒಳಕಾಡು ಹೇಳಿದಾಗ, ಶ್ರೀಗಳು ಮಠದ ವತಿಯಿಂದ 8 ಮೂಟೆ  ಸೋನಾ ಮಸುರಿ ಉತ್ತಮ ಗುಣಮಟ್ಟದ ಅಕ್ಕಿಯನ್ನು  ಶ್ರೀಸಾಯಿ ಸೇವಾಶ್ರಮಕ್ಕೆ ನೀಡಲು ನೀಡಿದ್ದಾರೆ. ನಂತರ ಅಕ್ಕಿಯನ್ನು ಆಶ್ರಮ ಸಂಚಾಲಕರಿಗೆ ನೀಡಲಾಯಿತು.

ಪ್ರಶಂಸೆ:

      ಯುವತಿಯ ರಕ್ಷಣೆಯಲ್ಲಿ ಪಾಲ್ಗೊಂಡ ಸಾಮಾಜಿಕ ಕಾರ್ಯಕರ್ತರಾದ ನಿತ್ಯಾನಂದ ಒಳಕಾಡು, ವಿಶು ಶೆಟ್ಟಿ, ತಾರಾನಾಥ್ ಮೇಸ್ತ ಅವರ ಸೇವಾಕಾರ್ಯಕ್ಕೆ ಸಾರ್ವಜನಿಕ ವಲಯದಲ್ಲಿ ಪ್ರಶಂಸೆ ವ್ಯಕ್ತವಾಗಿದೆ. ಸಹಕರಿಸಿದ ಪಲಿಮಾರು ಮಠ, ಕಾರುಣ್ಯ ಆಶ್ರಮ, ಶ್ರೀ ಸಾಯಿ ಸೇವಾಶ್ರಮ ಹಾಗೂ ಮಹಿಳಾ ಠಾಣೆಯ ಸಿಬ್ಭಂದಿಗಳನ್ನು ಸಾಮಾಜಿಕ ಕಾರ್ಯಕರ್ತರು ಅಭಿನಂದಿಸಿದ್ದಾರೆ.

ಪತ್ತೆಗೆ ಮನವಿ

      ಯುವತಿ ತನ್ನ ಹೆಸರು ರಿಂಕು ಶರ್ಮ, ತಂದೆ ರಾಮ್ ಸುರೀಟ್ ಸಿಂಗ್, ತಾಯಿ ಲಾಲ್ ಮತಿ ದೇವಿ, ಬ್ಯೂಟಿ ಪಾರ್ಲರ್ ವೃತ್ತಿಯನ್ನು ದೆಹಲಿಯಲ್ಲಿ ಮಾಡಿ ಕೊಂಡಿದ್ದೆನೆ ಎಂದು ಅಸ್ವಷ್ಟ ಮಾಹಿತಿ ನೀಡಿದ್ದಾಳೆ. ಬಲ್ಲವರು ವಾರಸುದಾರರಿಗೆ ಮಾಹಿತಿ ರವಾನಿಸ ಬಹುದು. ಸಂಬಂಧಿಕರು ಉಡುಪಿ ನಗರ ಮಹಿಳಾ ಠಾಣೆಯನ್ನು ಸಂಪರ್ಕಿಸ ಬಹುದೆಂದು ಸಾಮಾಜಿಕ ಕಾರ್ಯಕರ್ತರ ಪ್ರಕಟಣೆ ತಿಳಿಸಿದೆ.