ಉಡುಪಿ ಜಿಲ್ಲೆಯ ಕರಾವಳಿಯಲ್ಲಿನ ಪ್ರಖ್ಯಾತ ಅ೦ತರ್ಜಾಲ ಪತ್ರಿಕೆಯಲ್ಲಿ ಒ೦ದಾದ ಕೆಮ್ಮಣ್ಣು ಡಾಟ್ ಕಾ೦ ನಲ್ಲಿ  à²‰à²¡à³à²ªà²¿ ನೂತನ ಧರ್ಮಪ್ರಾಂತ್ಯ ಉದ್ಘಾಟನಾಕಾರ್ಯಕ್ರಮ ಹಾಗೂ ನೂತನ ಧರ್ಮಾಧ್ಯಕ್ಷರ ಅಧಿಕಾರ ಸ್ವೀಕಾರ ಸಮಾರ೦ಭವನ್ನು ನೇರ ಪ್ರಸಾರ ಮಾಡಲಾಗುತ್ತಿದ್ದು ದೇಶ-ವಿದೇಶದಲ್ಲಿನ ಓದುಗರು ವೀಕ್ಷಿಸ ಬಹುದಾಗಿದೆ.

ಉಡುಪಿ:ಅ,14. ಉಡುಪಿ ನೂತನ ಧರ್ಮಪ್ರಾಂತ್ಯದ ಉದ್ಘಾಟನೆ ಹಾಗೂ ಧರ್ಮಾಧ್ಯಕ್ಷರಾಗಿ ಜೆರಾಲ್ಡ್ ಐಸಾಕ್ ಲೋಬೋ ಅವರ ಅಧಿಕಾರ ಸ್ವೀಕಾರಕಾರ್ಯಕ್ರಮವು ಅಕ್ಟೋಬರ್1‍5 ರಂದು ಕಲ್ಯಾಣಪುರ ಮಿಲಾಗ್ರಿಸ್ ಕೆಥಡ್ರಲ್ ಮೈದಾನದಲ್ಲಿ ನಡೆಯಲಿದೆ .

ಸಮಾರ೦ಭಕ್ಕೆ ಆಗಮಿಸಲಿರುವ 30ಮ೦ದಿ ಬಿಷಪ್ ರವರು ನಗರದ ಪ್ರಸಿದ್ದ ಹೋಟೆಲ್ ಕಿದಿಯೂರಿನಲ್ಲಿ ಒ೦ದುಗೂಡಿ ತಮ್ಮ ಮಧ್ಯಾಹ್ನದ ಭೋಜನವನ್ನು ಸ್ವೀಕರಿಸಿ ತದ ನ೦ತರ ಕಲ್ಯಾಣಪುರದ ಮಿಲಾಗ್ರಿಸ್ ಚರ್ಚ್ಗೆ ಆಗಮಿಸಲಿದ್ದಾರೆ. ಕಿದಿಯೂರು ಹೋಟೆಲಿನ ಮಾಲಿಕರಾರದ ಭುವನೇ೦ದ್ರ ಕಿದಿಯೂರುರವರು ಇವರೆಲ್ಲರನ್ನು ಆತ್ಮೀಯವಾಗಿ ಭರಮಾಡಿಕೊ೦ಡು ಇವರನ್ನು ಸನ್ಮಾನಿಸಲಿದ್ದಾರೆ.

ಮಧ್ಯಾಹ್ನ 2.15 ಕ್ಕೆ ಬಲಿ ಪೂಜೆ ಮೆರವಣಿಗೆ, ಉಡುಪಿ ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷರ ಅಧಿಕಾರ ಸ್ವೀಕಾರ, ಪೂಜೆಯ ಬಳಿಕ ಸಾರ್ವಜನಿಕ ಸಮಾರಂಭ ನಡೆಯಲಿದೆ.

ಪೋಪ್ ಜಗದ್ಗುರುಗಳ ಭಾರತದ ಪ್ರತಿನಿಧಿ ಅತಿ ವಂದನೀಯ ಸಾಲ್ವತೋರೆ ಪೆನಿಚಿಯೊ ಅಧ್ಯಕ್ಷತೆ ವಹಿಸಲಿದ್ದಾರೆ. ಬೆಂಗಳೂರಿನ ಆರ್ಚ್ ಬಿಷಪ್,ಅತಿ ವಂದನೀಯ ಬರ್ನಾರ್ಡ್ ಮೊರಾಸ್, ಉಡುಪಿ ಪುತ್ತಿಗೆ ಮಠದ ಶ್ರೀಸುಗುಣೇಂದ್ರತೀರ್ಥ ಶ್ರೀಪಾದರು, ಸಿಎಸ್‌ಐ ಧರ್ಮಾಧ್ಯಕ್ಷ ರೈ. ರೆ. ಡಾ. ಜೆ. ಎಸ್. ಸದಾನಂದ, ರಾಜ್ಯಸಭೆ ಸದಸ್ಯ ಆಸ್ಕರ್ ಫರ್ನಾಂಡಿಸ್ ಉಪಸ್ಥಿತರಿರುವರು.

ಉಡುಪಿ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ, ಸಂಸದ ಕೆ. ಜಯಪ್ರಕಾಶ್ ಹೆಗ್ಡೆ, ಶಾಸಕ ಕೆ. ರಘುಪತಿ ಭಟ್, ಜಿಲ್ಲಾಧಿಕಾರಿ ಡಾ. ಎಂ. ಟಿ. ರೇಜು, ಕೆಎಂಡಿಸಿ ಅಧ್ಯಕ್ಷ ಅಬೂಬಕ್ಕರ್ ಎಂ. ಬಿ, ಕಲ್ಯಾಣಪುರ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಸುನೀತಾ ಪೂಜಾರಿ, ಮಂಗಳೂರು ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷ ಅತಿ ವಂದನೀಯ ಅಲೋಶಿಯಸ್ ಪೌಲ್ ಡಿಸೋಜ ಪಾಲ್ಗೊಳ್ಳುವರು.

ಪೋಪ್ ಬೆನೆಡಿಕ್ಟ್-16 ಅವರು 2012, ಜು. 16 ರಂದು ಉಡುಪಿ ಧರ್ಮಪ್ರಾಂತ್ಯವನ್ನು ಮಂಗಳೂರು ಧರ್ಮಪ್ರಾಂತ್ಯದಿಂದ ಪ್ರತ್ಯೇಕಿಸಿ ಆದೇಶ ಹೊರಡಿಸಿದ್ದರು. ಶಿವಮೊಗ್ಗ ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷರಾದ ಡಾ. ಜೆರಾಲ್ಡ್ ಐಸಾಕ್ ಲೋಬೋ ಅವರನ್ನು ಉಡುಪಿ ಧರ್ಮ ಪ್ರಾಂತ್ಯದ ಧರ್ಮಾಧ್ಯಕ್ಷರನ್ನಾಗಿ ನಿಯೋಜಿಸಿದ್ದರು.

ಉಡುಪಿ ಧರ್ಮಪ್ರಾಂತ್ಯವು ಉಡುಪಿ ಜಿಲ್ಲೆಯ ಮೂರು ತಾಲೂಕುಗಳ 48 ಚರ್ಚುಗಳು ಹಾಗೂ 1.25ಲಕ್ಷ ಕ್ಯಾಥೋಲಿಕ್ ಕ್ರೈಸ್ತರನ್ನು ಒಳಗೊಂಡಿದೆ. ಧರ್ಮಪ್ರಾಂತ್ಯವು ಧಾರ್ಮಿಕ, ಆಡಳಿತ ಹಾಗೂ ಇತರ ವಿಷಯಗಳಲ್ಲಿ ಸ್ವಾಯತ್ತ ಸಂಸ್ಥೆಯಾಗಿದೆ. ಧರ್ಮಾಧ್ಯಕ್ಷರು ಏಸುಕ್ರಿಸ್ತರ 12 ಮಂದಿ ಅಪೊಸ್ತಲರ ಹುದ್ದೆಗೆ ಸಮಾನಾಂತರವಾದ ಸ್ಥಾನ ಹೊಂದಿದ್ದಾರೆ.

ವೆಟಿಕಾನ್ ನಗರದ ಜಗದ್ಗುರು ಪೋಪ್‌ರೊಂದಿಗೆ ನೇರ ಸಂಪರ್ಕದಲ್ಲಿರುತ್ತಾರೆ. ಉಡುಪಿ ಪ್ರದೇಶಕ್ಕೆ 16 ನೇ ಶತಮಾನದಲ್ಲಿ ಕ್ರೈಸ್ತರು ಗೋವಾದಿಂದ ಬಂದು ನೆಲೆಯಾದರು. 1887 ರಲ್ಲಿ ಮಂಗಳೂರು ಧರ್ಮಪ್ರಾಂತ್ಯ ಉದಯವಾಗಿದ್ದು ಉಡುಪಿ ಇದರ ಭಾಗವಾಗಿತ್ತು. ಅ. 15ರ ಸೋಮವಾರದಿ೦ದ ಉಡುಪಿ ಧರ್ಮಪ್ರಾಂತ್ಯ ಸ್ವತಂತ್ರವಾಗಿ ಕಾರ್ಯನಿರ್ವಹಿಸಲಿದೆ.

ಕಾರ್ಯಕ್ರಮಕ್ಕೆ ಭರದ ಸಿದ್ದತೆಯನ್ನು ನಡೆಸುವುದರೊ೦ದಿಗೆ ಬೃಹತ್ ಗಾತ್ರದ ಪೆ೦ಡಾಲ್ಗಳನ್ನು ಹಾಕಲಾಗಿದ್ದು ವಿಶೇಷ ರೀತಿಯ ವೇದಿಕೆಯನ್ನು ರಚಿಸಲಾಗಿದ್ದು ವೇದಿಕೆಯಲ್ಲಿ ಸುಮಾರು 150ಕ್ಕೂ ಹೆಚ್ಚುಮ೦ದಿ ಉಪಸ್ಥಿತರಾಗುವ೦ತೆ ಕುರ್ಚಿಗಳನ್ನು ಹಾಕಲಾಗಿದೆ.ಕಲ್ಯಾಣಪುರ ಸ೦ತೆಕಟ್ಟೆಯಿ೦ದ ಸಮಾರ೦ಭದ ಸ್ಥಳದವರೆಗೆ ವಿಶೇಷ ರೀತಿಯಲ್ಲಿ ಬೈನೆಮರದ ಗೆಲ್ಲುಗಳನ್ನು ಹಾಗೂ ಪತಾಕೆಗಳನ್ನು ಕಟ್ಟುವುದರೊ೦ದಿಗೆ ಈ ಧರ್ಮ ಪ್ರಾ೦ತ್ಯಕ್ಕೆ ಒಳಪಡುವ ಎಲ್ಲಾ ಚರ್ಚ್ ಗಳ ಚಿತ್ರವನ್ನು ಇಲ್ಲಿ ಪ್ರದರ್ಶಿಸಲಾಗುತ್ತಿದೆ. ಚರ್ಚನ್ನು ವಿದ್ಯುತ್ ದೀಪದಿ೦ದ ಅಲ೦ಕರಿಸುವುದರೊ೦ದಿಗೆ ಮು೦ಭಾಗದಲ್ಲಿ ಬಾಳೆಗಿಡಗಳನ್ನು ಕಟ್ಟಿ ಮಾವಿನಸೊಪ್ಪಿನಿ೦ದ ಶ್ರ೦ಗರಿಸಲಾಗಿದೆ.

ವಾಹನ ಸ೦ಚಾರವನ್ನು ಗೋರಟೆ ಆಸ್ಪತ್ರೆಯಿ೦ದ ನಿಷೇಧಿಸಲಾಗಿದೆ. ಅಲ್ಲಲ್ಲಿ ವಾಹನ ನಿಲುಗಡೆಗೆ ವ್ಯವಸ್ಥೆಯನ್ನು ಮಾಡಲಾಗಿದೆ.